waxaa maanta isku shaandhayn lagu sameeyay maamullaadii degmooyinka Bu'aale iyo Saakoow oo labaduba hoos yimaada maamulka xarakada Al-shabaab ee Jubooyinka gaar ahaan Jubada dhexe.Gudoomiyaha guud ee gobolada jubboyinka Abuukar Aadan Cali ayaa maanta gelinkii hore ku dhawaaqay isbedelka lagu sameeyay maamulka Degmada Bu'aale iyo Saakoow.

Xubnaha masuuliyiinta ah ee maanta loo magacaabay degmada Bu'aale ayaa waxay kala yihiin sidan:

1.Gudoomiyaha Degmada Bu'aale :Maxammed Dhaqane Odawaa.

2.Taliyaha Xisbada: Cali Barre Yuusuf.

3.Madax Maaliyadda : Khadar Cusmaan Raas.

4.Madaxa Dacwada : Maxamed Kheyre Sadiiq.

5.Madaxa Garsoorka : Sh.Cabdul Qaadir Sh.Xuseen.

Dhanka Degmada Saakoow oo iyadana galabta isku shaandhayn lagu sameeyay maamulkeeda ayaa xubnaha maamulka cusub waxay yahiin sidan:

1. Gudoomiyaha Degmada Saakow Ridwaan Sheekh Cumar Sheekh Max’ed

2. kuxigeenka gudoomiyaha ayaa loo magacaabay Sheekh C/laahi Max’ed

3. Garsooraha Degmada Saakow Sheekh Max’ed Nuur Ismaaciil

4. Madaxa Maktabka Dacwada Sheekh Cali Max’ed Cali

5. Madaxa Maaliyadda C/rashiid Max’ed Xirsi

6. Xafiiska Zakawaadka ayaa loo magacaabay Sheekh Daahir Macalim Max’ed

Ma ahan markii ugu horeysay ee wareegto kazoo baxdo xafiiska gudoomiyaha gobollada jubooyinka sheikh Abuukar Cali Aadan oo xilal cusub loo magacaabayo qaar kamid ah Maamulada xarakada Al-shabaab ee gobollada Jubooyinka.